Mark Halsey fyrrum dómari í enska boltanum segir að Erling Haaland hefði átt að fá rautt spjald fyrir hegðun sína gegn Arsenal í gær.
Haaland kastaði boltanum í hnakkann á Gabriel þegar City jafnaði 2-2 í uppbótartíma.
Hvorki Michael Oliver dómari leiksins né VAR tæknin tók þetta upp.
„Það er hægt að halda því fram að þetta sé ógnandi hegðun, þetta er eins og að kasta hlut í einhvern eða lemja einhvern í hausinn,“ segir Halsey.
„Hann getur talist heppin að dómarinn eða VAR hafi ekki séð þetta frá honum.“
„Það verður áhugavert að sjá hvort enska sambandið taki þetta upp,“ segir Halsey en miðað við fréttir mun enska sambandið ekki taka málið upp.
This angle…
Haaland chose violence 🤣 pic.twitter.com/JDO5uxkdFC
— EPL Bible (@EPLBible) September 23, 2024