Stuðningsmenn Arsenal ættu að kynna sér strák sem ber nafnið Max Dowman en hann er á mála hjá unglingaliðum félagsins.
Dowman er talinn einn efnilegasti ef ekki efnilegasti leikmaður Arsenal en hann er aðiens 14 ára gamall.
Dowman bætti tvö met í gær er unglingalið Arsenal spilaði við Atalanta en þurfti að sætta sig við 4-1 tap.
Englendingurinn varð sá yngsti í sögu félagsins til að byrja leik í keppninni og einnig sá yngsti í sögu keppninnar til að skora mark.
Hann gerði eina markið í tapi Arsenal en metið var áður í eigu Rin Ahmeti sem er 16 ára gamall.
Dowman mun spila sinn næsta leik í Meistaradeildinni þann 1. október en þá er leikið gegn Paris Saint-Germain.