Stuðningsmaður Liverpool lést í Milan í gær eftir að keyrt var á hann, hann var mættur til Ítalíu til að sjá sína menn gegn AC Milan í Meistaradeildinni í gær.
Philip Joseph Dooley var 51 árs gamall þegar hann lést í gær en atvikið átti sér stað klukkan 01:00 að nóttu til.
Dooley var mikill stuðningsmaður Liverpool og hafði fylgt liðinu eftir út um allan heim.
Dooley ákvað að fara hlaupandi yfir hraðbraut þegar keyrt var á hann og lést hann samstundis.
Starfsmenn Liverpool og AC Milan minntust hann fyrir leik og var farið með blómvönd í sætið sem hann átti á leiknum sem fram fór í gærkvöldi.
Liverpool vann góðan sigur á AC Milan í gær í fyrstu umferð í deildarkeppni Meistaradeildarinnar.