Eamon Dunphy fjölmiðlamaður í Írlandi og fyrrum landsliðsmaður í fótbolta segir ástandið í írskum fótbolta aldrei hafa verið jafn slæmt og vill láta reka Heimi Hallgrímsson strax úr starfi.
Heimir var að klár að stýra fyrstu tveimur leikjum sínum með Írlandi, liðið tapaði þar gegn Englandi og svo gegn Grikklandi í gær. Tapið gegn Grikkjum svíður.
Heimir tók við liði sem hefur verið í brekku í mörg ár en Írar líta stórt á sig og Dunphy segir ástandið aldrei hafa verið jafn slæmt.
„Hvort endist lengur, kálið eða Heimir Hallgrímsson í heita sætinu,“ skrifar Dunphy í Mirror og vitnar þar í orð sem notuð voru um Liz Truzz fyrrum forsætisráðherra Bretlands sem endist aðeins í nokkra daga í starfi.
„Ég set peningana á kálið því ákvörðunin að ráða Heimi lítur furðulega út. Hann hjálpaði Íslandi vissulega að vinna England en það var fyrir átta árum,“ skrifar Dunphy sem er 79 ára gamall í dag en hann lék rúmlega 20 landsleiki á sínum ferli og lék fyrir lið eins og Charlton og Milwall.
„Síðan þá hefur Heimir stýrt Jamaíka þar sem úrslitin voru misjöfn. Eigum við að trúa því að írska sambandið hafi í sjö mánuði beðið eftir honum, hvað sjá þau í honum.“
„Ég er pirraður og hef misst trúna. Mér líður illa, ég er 79 ára gamall og ég hef aldrei séð ástandið jafn slæmt og það er núna.“
Hann legur til við írska ríkið að setja ekki krónu inn í knattspyrnusambandið, þar sé fólk sem viti ekkert hvað það er að gera. Fjármunir til fótboltans eigi frekar að fara í grasrótina.