Anderson sem er 36 ára gamall fyrrum miðjumaður Manchester United er á leið í fangelsi í Brasilíu, ástæðan er sú að hann hefur ekki borgað meðlag.
Anderson var dæmdur í Porto Alegre í heimalandinu en hann skuldar 45 þúsund pund í meðlag.
Ef Anderson borgar þessa skuld ekki á næstu dögum fer hann á bak við lás og slá.
Anderson var litríkur karakter á ferli sínum en hann var í herbúðum Manchester United frá 2007 til 2015.
Hann hafði mikla hæfileika en gerði oft vel við sig í mat og drykk og var því ekkert í sérstöku formi á köflum.
Anderson hætti í fótbolta fyrir fjórum árum en hann hafði þá verið í Tyrklandi en lét gott heita 32 ára gamall.