Markvörðurinn Mike Maignan sturlaðist um helgina eftir 3-1 tap Frakklands gegn Ítalíu í Þjóðadeildinni.
Frá þessu greinir L’Equipe í Frakklandi en Maignan stóð á milli stanganna er Frakkar komust 1-0 yfir en enduðu á að tapa 3-1 heima.
Frammistaða Frakklands eftir opnunarmarkið var svo sannarlega slæm en stórstjörnur á borð við Antoine Griezmann og Kylian Mbappe náðu sér ekki á strik.
Maignan var bálreiður eftir lokaflautið og hélt ræðu í búningsklefanum þar sem hann lét stjörnur liðsins heyra það.
Fyrirliðarnir tveir Mbappe og Griezmann höfðu ekkert að segja eftir ræðu Maignan og virtust vita upp á sig sökina.
Eftir leik vildi Maignan ekki staðfesta neitt en hafði þetta að segja:
,,Það sem er sagt í búningsklefanum er okkar á milli. Við vorum að spila gegn stórliði sem varðist sem lið,“ sagði Maignan.
,,Við þurfum að horfa fram veginn. Við getum ekki haldið hreinu í hverjum leik. Við ræðum þetta betur á morgun.“