Kylian Mbappe, leikmaður Real Madrid og Frakklands, var harðlega gagnrýndir fyrir landsleik gegn Ítalíu í gær.
Það var blaðamaðurinn virti Daniel Riolo sem baunaði á Mbappe en hann er ansi virtur í heimalandinu, Frakklandi.
Mbappe er umdeildur á meðal franskra stuðningsmanna en hann yfirgaf Paris Saint-Germain í sumar og samdi við Real.
Mbappe er oft ásakaður um að gefa ekki allt af sér á vellinum og þykir þá einnig bjóða upp á ansi mikla stjörnustæla bæði innan vallar sem utan.
,,Ég er kominn á þann stað í lífinu og á mínum ferli þar sem ég tek ekki eftir þessu. Ég mæti, ég spila og ég geri mitt besta til að hjálpa liðinu,“ sagði Mbappe fyrir leikinn.
,,Það sem fólk hefur að segja um mig er það síðasta sem ég er að hugsa um.“
Riolo hikaði ekki í samtali við RMC Sport og lét Mbappe heyra það – eitthvað sem margir franskir stuðningsmenn voru hrifnir af.
,,Hann er annað hvort að ljúga eða hann er heimskur. Hann getur ekki sagt að honum sé sama um hvað fólki finnst því hann er leikmaður sem hagnast mest á því í Frakklandi.“
,,Ef þú ert með fólk í kringum þig sem sér um allar hliðar lífs þíns þá þýðir það að þér er sama um eigin ímynd og hvað þú gefur frá þér.“
,,Þú getur ekki sagt þessa hluti, það gæti þýtt að þú hafir ekki hugmynd um hvað sé í gangi sem ég hef enga trú á.“