Manchester United reyndi að fá hjálp frá goðsögninni Sir Alex Ferguson í sumarglugganum á þessu ári.
Þetta fullyrðir Daily Mail en Ferguson er sigursælasti stjóri í sögu United en hann hætti sem þjálfari liðsins árið 2013.
Samkvæmt Mail reyndi United að fá hjálpa Ferguson í að sannfæra Michael Olise um að ganga í raðir félagsins.
Olise var þá leikmaður Crystal Palace en hann gerði samning við Bayern Munchen í sumar og kostaði rúmlega 50 milljónir punda.
Talið er að United sé næsti áfangastaður Olise ef hann ákveður að yfirgefa Þýskaland í framtíðinni.