Andy Cole, goðsögn Manchester United, hefur skotið föstum skotum á enska stórliðið Chelsea eftir viðskipti félagsins í sumar.
Chelsea elskar fátt meira þessa dagana en að kaupa leikmenn en mörg af þessum félagaskiptum hafa ekki gengið upp.
Cole telur að það sé engin alvöru stefna í gangi hjá félaginu og að ef leikmaður sé með púls þá er hann á óskalista enska félagsins.
Chelsea fékk til sín alls konar leikmenn í sumar en nefna má nöfn eins og Kiernan Dewsbury-Hall, Filip Jörgensen, Jadon Sancho, Tosin Adarabiyoyo, Pedro Neto og Joao Felix.
,,Ég ætla svo sannarlega ekki að nefna Chelsea því þeir hafa í raun ekki keypt neinn leikmann,“ sagði Cole.
,,Þeir kaupa hvaða leikmann sem er svo lengi sem hann sé með púls.“