Eigendur Manchester United hafa miklar áhyggjur af stöðu mála og eru að íhuga stöðu Hollendingsins hjá félaginu.
Telegraph greinir nú frá því að staða Ten Hag sé langt frá því að vera örugg eftir slaka byrjun á tímabilinu.
United tapaði 3-0 gegn Liverpool um síðustu helgi á Old Trafford sem veikir stöðu Ten Hag verulega.
Greint er frá því að dagar Ten Hag hjá United séu mögulega taldir en hvort hann verði stjóri liðsins eftir landsleikjahlé er í raun óljóst.
United íhugaði að reka Ten Hag í sumar en nýir eigendur félagsins ákváðu að lokum að gefa honum einn séns til viðbótar.
Hingað til hefur frammistaða United heillað fáa en liðið tapaði einnig gegn Brighton í annarri umferð.