Dani Carvajal, goðsögn Real Madrid, neitar því að Spánn sé rasísk þjóð og að þeir eigi skilið að halda heimsmeistaramótið í framtíðinni.
Liðsfélagi Carvajal, Vinicius Junior, hefur margoft orðið fyrir rasisma í leik með Real en í fyrra voru þrír aðilar handteknir eftir leik gegn Valencia í mars árið 2023.
Vinicius er alls ekki eini leikmaðurinn á Spáni sem hefur orðið fyrir rasisma en hann er Brasilíumaður og er dökkur á hörund.
Carvajal viðurkennir að það sé hópur af fólki sem dæmi annað fólk út frá húðlit en er þó ákveðinn í að Spánn sem heild sé ekki rasískt land.
,,Ég trúi því ekki að Spánn eigi ekki skilið að halda heimsmeistaramótið. Hér er fólk af öllum uppruna,“ sagði Carvajal.
,,Það ætti enginn að halda því fram að Spánn sem þjóð sé full af rasistum. Ég ólst upp í Leganes og þar bjó fólk af öllum uppruna.“
,,Ég get með stolti sagt að Spánn er ekki rasískt land.“