Chelsea gæti fengið Englendingana Ivan Toney og Jadon Sancho til liðs við sig fyrir gluggalok. Þá er spurning hvernig byrjunarliði þeirra yrði stillt upp.
Félagið hefur verið duglegt á markaðnum í sumar en gæti enn bætt við sig. Toney er líklega á förum frá Brentford. Framherjinn hefur verið orðaður við Chelsea og Sádi-Arabíu undanfarna daga.
Sancho er aftur á móti úti í kuldanum hjá Manchester United. Það hefur verið talað um hugsanlega skiptidíla þar sem Raheem Sterling eða Ben Chilwell færu á Old Trafford í staðinn en ekkert er komið á hreint í þeim efnum. Sancho er þá einnig mikið orðaður við Juventus.
Hér að neðan má sjá þrjár hugsanlegar útgáfur af byrjunarliði Chelsea með þá Toney og Sancho innanborðs. Enska blaðið The Sun tók saman.
