Manuel Ugarte mætti til Manchester seint í gærkvöldi og fór beint á æfingasvæði Manchester United í skoðun.
Læknisskoðun hans heldur svo áfram í dag og ætti United að geta gengið frá öllu eftir það.
United kaupir Ugarte á 42 milljónir punda en möguleiki er á að kaupverðið hækki örlítið með bónusum.
Á sama tíma er Scott McTominay að stíga upp í flugvél og fer í læknisskoðun hjá Napoli í dag.
United fær 25 milljónir punda fyrir miðjumanninn frá Skotlandi en félagaskiptaglugginn lokar á föstudag.
McTominay er búinn að ganga frá öllu við Napoli og því ætti ekkert óvænt að geta komið upp.