Það hreyfði við mörgum þau tíðindi í gærkvöldi að Alfreð Finnbogason hefði ákveðið að hætta að gefa kost á sér í íslenska landsliðið eftir mjörg farsælan feril.
Alfreð hefur verið stór hluti af íslenska landsliðinu um langt skeið og var í hópnum sem fór á Evrópumótið og Heimsmeistaramótið.
Alfreð var í minna hlutverki árið 2016 á EM en árið 2018 var hann lykilmaður og skoraði fyrsta mark Íslands á HM þegar liðið gerði 1-1 jafntefli gegn Argentínu.
Mikið af fólki lætur ummæli falla við Instagram og Facebook færslu sem Alfreð setti inn í gærkvöldi og greindi frá þessu. „Takk elsku vinur fyrir ómetanlegt framtak,“ skrifar Jóhanna Vigdís Hjaltadóttir fréttakona á RÚV.
Kolleggi hennar á RÚV, Kristjana Arnarsdóttir tekur í svipaðan streng. „Geggjaður. Takk fyrir okkur,“ skrifar Kristjana.
Poppstjarnan Jón Jónsson þakkar fyrir sig. „Aðdáandi síðan á Mallorca ’98 og verð áfram um ókomna tíð. Takk,“ skrifar Jón til Alfreðs.
Móðir Alfreðs tekur einnig til máls. „Með tárin i augunum segi ég TAKK. Minningar um frábæran tíma þinn með landsliðinu, alla leikina sem ég sat STOLT í stúkunni í íslensku treyjunni hérlendis sem erlendis og elskaði það. Að horfa á landsleiki án þín verður ekki eins en áfram Þú ert FLOTTASTUR,“ skrifar Sesselja Pétursdóttir.
Samherjar Alfreðs úr landsliðinu leggja einnig orð í belg eins og sjá má hér að neðan.
Alfreð lék 73 leiki fyrir hönd Íslands og skoraði í þeim átján mörk en hann er 35 ára gamall og leikur með KAS Eupen í Belgíu í dag.
Albert Guðmundsson
Takk fyrir öll þessi ár 💙 þín verður sannarlega saknað
Freyr Alexandersson
Geggjaður. Alltaf. Í öllum hlutverkunum 🫡🇮🇸
Aron Einar Gunnarsson
Takk 😍🔥
Viktor Karl Einarsson
Takk fyrir okkur! Fyrirmynd
Bjarki Már Elísson
Takk fyrir okkur legend🙏🇮🇸🫶
Orri Steinn Óskarsson
fyrirmynd og legend, takk fyrir mig👑
Ísak Bergmann Jóhannesson
Legend. Takk fyrir alltaf að hjálpa okkur ungu strákunum. Ótrulegur landsliðferill.
Hákon Arnar Haraldsson
Alvöru toppmaður og fyrirmynd!❤️
Guðmundur Hreiðarsson:
Þú ert einn sá allra besti frá upphafi , sigurvegari , en umfram allt góður maður 🇮🇸🙏🇮🇸
Friðrik Ellert Jónsson
Takk kærlega fyrir allar frábæru stundirnar sem við höfum átt saman. Dásamlegar minningar sem við eigum og vonandi verða þær fleiri í framtíðinni ❤️
Þú getur heldur betur stígið stoltur frá borði 👑👏🙌