Það er komin mikil pressa á Erik ten Hag, stjóra Manchester United, eftir tap gegn Brighton í gær.
Þetta segir Gary Neville, fyrrum leikmaður liðsins, en hann fjallaði um 2-1 tap liðsins í ensku úrvalsdeildinni í gær.
United var nálægt því að ná jafntefli en Brighton skoraði sigurmark undir lok leiksins og fagnar þremur stigum.
Pressan er að magnast á Ten Hag að sögn Neville en næsti leikur United er gegn erkifjendunum í Liverpool.
,,Þetta var svekkjandi endir á leiknum. Ég tel að jafntefli hefðu verið hálf ásættanleg úrslit,“ sagði Neville.
,,Að tapa þessum leik setur gríðarlega mikla pressu á Ten Hag, sérstaklega fyrir næsta leik gegn Liverpool um helgina.“
