Samu Omorodion gekk ekki í raðir Chelsea í sumar eins og búist var við en um er að ræða sóknarmann Atletico Madrid.
Chelsea hafði áhuga á að fá þennan 20 ára gamla leikmann frá Atletico í skiptum fyrir Conor Gallagher.
Það gerðist ekki að lokum en Joao Felix fór til Chelsea í staðinn og er Gallagher þá búinn að krota undir á Spáni.
Omorodion hefur þó fundið sér nýtt félag en hann skrifaði undir hjá Porto í Portúgal.
Framherjinn kom til Atletico fyrir aðeins ári síðan en hann hefur nú gert fimm ára samning við Porto.
Chelsea hafði áhyggjur af líkamlegu ástandi leikmannsins eftir læknisskoðun og ákvað að hætta við skiptin.