Enzo Maresca, stjóri Chelsea, hefur gert lítið úr því sem átti sér stað í leik liðsins gegn Servette í gær.
Um var að ræða leik í Sambandsdeildinni en helsta stjarna Chelsea, Cole Palmer, virtist haltra af velli eftir lokaflautið.
Palmer er gríðarlega mikilvægur hlekkur í liði Chelsea en hann skoraði 25 mörk á síðustu leiktíð.
Stuðningsmenn Chelsea höfðu áhyggjur af stöðunni en miðað við orð Maresca þá gæti Palmer vel náð næsta leik liðsins gegn Wolves.
,,Cole fann fyrir sársauka en hann virðist vera í lagi. Læknarnir hafa skoðað hann,“ sagði Maresca.
,,Það er allt útlit fyrir að hann sé í lagi. Vonandi eru engin vandamál til staðar og að hann geti spilað leikinn á sunnudag.“
