Leny Yoro, nýr leikmaður Manchester United, getur farið til Real Madrid á næstu árum, óski hann þess, vegna munnlegs samkomulagi hans við enska félagið. Þetta herma sögusagnir frá Spáni.
Hinn 18 ára gamli Yoro var keyptur frá Lille á 52 milljónir punda í sumar. Hann þykir afar spennandi leikmaður en því miður fyrir United meiddist hann og verður ekki klár fyrr en í nóvember, að því ert talið.
Áður en Yoro gekk í raðir United var hann sterklega orðaður við Real Madrid og héldu margir miðlar, sérstaklega á Spáni, því fram að hann vildi aðeins fara til spænska risans og að hann væri meira að segja til í að hinkra eftir þeim í ár til að fá skipti þangað.
Svo fór hins vegar ekki og kappinn hélt til United.
Nú heldur spænski miðillin Defensa Central, sem fjallar einmitt aðallega um Real Madrid, því fram að Yoro sé með munnlegt samkomulag við forráðamenn United um að fá að fara til Real Madrid árið 2026, berist tilboð í kringum 45 milljónir punda og ef Frakkinn ungi vill fara.
Ekkert er þó staðfest í þessum efnum og verður að teljast ólíklegt að United myndi selja Yoro á minna en félagið keypti hann.
