Einn fyrrum úrvalsdeildarleikmaður hefur skorað á annan fyrrum úrvalsdeildarleikmenn í box bardaga sem gæti orðið að veruleika á næsta ári.
James McClean, leikmaður Wrexham, hefur skorað á Danny Simpson, fyrrum leikmann Manchester United og Leicester.
Simpson lagði skóna á hilluna fyrr á þessu ári en hann er áhugamaður um box og mun berjast í fyrsta sinn á þessu ári.
McClean hefur áhuga á að berjast við Simpson ef hann hefur betur í þeim bardaga og eru góðar líkur á að fyrrum bakvörðurinn samþykki það boð.
,,Danny Simpson – vinndu þinn fyrsta bardaga og heyrðu svo í mér í sumar þegar tímabilinu er lokið,“ sagði McClean.
,,Þangað til, ef þú þarft æfingafélaga þá láttu mig vita. Ég er aðeins nokkrum mínútum frá þér.“
Það er rígur á milli McClean og Simpson en sá fyrrnefndi lék með Sunderland á sínum tíma og Simpson með Newcastle – um er að ræða nágrannafélög.
,,Ég man þegar ég var hjá Newcastle og hann hjá Sunderland, við áttumst við innan vallar svo þessi bardagi gæti orðið skemmtilegur,“ sagði Simpson.
,,Hann vill slást við alla innan vallar og hefur líkleg alltaf trú á sjálfum sér. Hann var að slást við leikmann Chelsea á undirbúningstímabilinu svo hann er enn að.“