Mykhailo Mudryk getur unnið Ballon d’Or einn daginn en það eru verðlaun sem eru afhent besta leikmanni heims hvert ár fyrir sig.
Það er Georgiy Sudakov sem er á þeirri skoðun en hann er liðsfélagi Mudryk í úkraínska landsliðinu og spiluðu þeir einnig saman hjá Shakhtar.
Mudryk er í dag á mála hjá Chelsea en hefur ollið töluverðum vonbrigðum eftir komu frá heimalandinu.
Nýtt tímabil var þó að hefjast og vonandi fyrir Mudryk þá nær hann sér betur á strik í vetur.
,,Mykhailo er ótrúlegur leikmaður hann getur komist alla leið á toppinn og getur einnig unnið Ballon d’Or með þessum hæfileikum,“ sagði Sudakov.
,,Þetta er þó undir honum komið. Ég trúi því að hann muni sýna sína bestu hlið að lokum. Úkraína er með marga stórkostlega leikmenn og hann er leikmaður sem við lítum upp til.“