„Það er mjög spennandi að spila þennan heimaleik og stuðningsmenn okkar eiga skilið að fá góða frammistöðu frá okkur á heimavelli,“ sagði Nikolaj í samtali við 433.is í aðdraganda leiksins.
„Þetta er mikilvægur leikur fyrir félagið og okkur sem leikmenn. Þetta er eitt það stærsta sem þú getur gert á þínum ferli, að keppa í þessum riðlakeppnum og mæta sterkum liðum.“
Víkingur er klárlega mun sigurstranglegra liðið í einvíginu en Nikolaj segir að Santa Coloma sé sýnd veiði en ekki gefin.
„Við höfum séð nokkrar klippur frá þeim og þeir eru mjög góðir á boltanum. Við gerum okkar besta og náum vonandi góðum úrslitum.“
Víkingur hefur aðeins fengið eitt stig úr síðustu tveimur leikjum í Bestu deildinni, tap heima gegn ÍA og jafntefli heima gegn Vestra. Hvað hefur vantað upp á?
„Menn hugsa kannski of mikið um Evrópuleikina og þetta hefur verið slappt í leikjunum á milli þeirra. En að mínu mati getur þú ekki bara kastað frá þér deildinni því þú ert í Evrópu. Þetta er eitthvað sem við þurfum að vinna í því ef við förum í riðlakeppnina verður þetta áfram svona út tímabilið,“ segir Nikolaj.
Nánar er rætt við hann í spilaranum.
Meira
Arnar fundið fyrir pressu frá gjaldkeranum – „Mikið undir og af hverju ekki bara að tala um það?“