Erik ten Hag, stjóri Manchester United, er hættur við að vilja losa sig við Casemiro áður en félagaskiptaglugganum verður lokað. The Sun fjallar um málið.
Casemiro gekk í raðir United fyrir tveimur árum og átti flott fyrsta tímabil en gat lítið í fyrra. Það héldu flestir að hann færi í sumar og var Sádi-Arabía talinn góður möguleiki.
Samband Ten Hag og Casemiro er ekki sagt hafa verið gott í vor en hollenski stjórinn er virkilega sáttur með hvernig miðjumaðurinn kom til baka úr sumarfríi, frammistöður hans á undirbúningstímabilinu og í upphafi leiktíðar á Englandi.
The Sun segir þá að hinn 32 ára gamli Casemiro hafi ekki viljað fara til Sádí á þessum tímapunkti ferilsins þar sem hann taldi sig enn hafa eitthvað fram að færa til United.
Það er því útlit fyrir að Casemiro verði um kyrrt á Old Trafford.