Mikið hefur verið rætt um ástand Old Trafford undanfarið og myndband sem birtist frá leik Manchester United gegn Fulham á föstudag slekkur ekki í þeirri umræðu.
United vann leikinn 1-0 þökk sé marki Joshua Zirkzee, sem gekk í raðir liðsins frá Bologna í sumar.
Nú vekja enskir miðlar athygli á myndbandi sem tekið var upp rétt fyrir leik. Þar má sjá mann skrúfa sæti á Old Trafford aftur á sinn stað.
Margir héldu að um almennan stuðningsmann væri að ræða en United hefur staðfest að þarna hafi starfsmaður verið að verki.
Old Trafford er kominn til ára sinna og er það í plönum félagsins að byggja nýjan 100 þúsund manna völl. Sá á að vera klár fyrir 2030.
Hér að neðan má sjá myndandið sem um ræðir.