Cesc Fabregas, stjóri Como á Ítalíu, er að ná í fyrrum samherja sinn Sergi Roberto til félagsins.
Roberto er nafn sem margir kannast við en hann gerði garðinn frægan með Barcelona – hann hefur leikið þar allan sinn feril.
Roberto er 32 ára gamall en hann yfirgaf uppeldisfélagið í sumar og er fáanlegur á frjálsri sölu.
Spánverjinn á að baki 245 leiki fyrir Barcelona í deild og einnig 11 landsleiki fyrir Spán – hann getur spilað í vörn og á miðjunni.
Fabregas lék með Roberto hjá Barcelona á sínum tíma en hann hefur nú lagt skóna á hilluna og þjálfar Como í efstu deild Ítalíu.