Gary Neville og Jamie Carragher, sparkspekingarnir geðþekku á Sky Sports, opinberuðu spá sína fyrir leiktíðina í ensku úrvalsdeildinni í hinum geysivinsæla sjónvarpsþætti Monday Night Football í gær.
Einni umferð er lokið í deildinni en um fyrsta þátt vetrarins var að ræða og nýttu félagarnir tækifærið til að opinbera spá sína.
Carragher spáir því að Manchester City verði Englandsmeistari fimmta árið í röð. Neville telur hins vegar að nú sé tími kominn á Arsenal.
Carragher spáir því að Arsenal, hans menn í Liverpool og Tottenham fylgi City í Meistaradeildina. Neville spáir hins vegar að City, Manchester United og Chelsea fylgi Arsenal þangað.
Báðir spá þeir að Southampton og Leicester fari niður í B-deildina. Carragher telur að Nottingham Forest geri það einnig en Neville setur Ipswich niður.
Þá telja þeir félagar að Erling Braut Haaland verði markahæsti leikmaður deildarinnar.
Hér að neðan má sjá spá þeirra í heild.
