Napoli hefur lagt fram tilboð í Romelu Lukaku, framherja Chelsea, og bíður eftir svari. Sky á Ítalíu greinir frá.
Lukaku var keyptur á næstum 100 milljónir punda til Chelsea frá Inter 2021 en stóð engan veginn undir væntingum og á ekki framtíð á Stamford Bridge.
Belginn var lánaður til Roma á síðustu leiktíð og þar áður aftur til Inter.
Nú vill Napoli fá hann á láni og hefur boðið Chelsea 5 milljónir evra fyrir. Láninu myndi fylgja kaupskylda upp á 25 milljónir evra næsta sumar.
Lukaku vill sjálfur vera áfram á Ítalíu en þarf fyrst græna ljósið frá Chelsea.