Gary Neville, goðsögn Manchester United, er viss um að pressan verði gríðarleg á Erik ten Hag, stjóra liðsins, í byrjun tímabils.
Enska úrvalsdeildin er nú að fara af stað en United vann fyrsta leik sinn gegn Fulham 2-0 á heimavelli.
Ten Hag hefur fengið að kaupa sína menn í þessum glugga en um er að ræða varnarmennina Matthijs de Ligt, Noussair Mazraoui og framherjann Joshua Zirkzee.
Ten Hag þekkir vel til þessara leikmanna en félagið samdi einnig við Leny Yoro sem spilar þó ekki næstu mánuðina vegna meiðsla.
,,Ég vona innilega að Erik ten Hag verði enn stjóri Manhcester United í lok tímabils,“ sagði Neville við Sky Sports.
,,Það er ekki hægt að efast um það að ef United byrjar eins illa og í fyrra þá mun pressan magnast gríðarlega.“
,,Ég er þó nokkuð vongóður varðandi Manchester United. Ég tel að þessi leikmannakaup séu í öðrum klassa en liðið hefur gert undanfarin ár.“