Víkingur Reykjavík hefur ekki rætt við Gísla Gottskálk Þórðarson þrátt fyrir gríðarlegan áhuga frá bæði KR og Val undanfarið. Þetta herma heimildir 433.is.
Fótbolti.net fjallaði í gær um að bæði tilboð frá Val og KR hefði verið hafna í miðjumanninn öfluga.
Gísli sem er fæddur árið 2004 hefur verið frábær á miðsvæði Víkings í sumar og er áhuginn á honum mikill, samningur hans við Víking rennur út á næsta ári.
Samkvæmt heimildum 433.is bauð Valur í Gísla á síðasta ári og var því tilboði hafnað en þrátt fyrir áhugann hefur ekkert samtal við Gísla átt sér stað um að framlengja samning hans.
KR hefur lagt fram þrjú tilboð í Gísla í sumar og hefur mikinn áhuga á að krækja í hann en umboðsmaður Gísla er Bjarki Gunnlaugsson, bróðir Arnars sem stýrir Víkingi.