Stjörnuparið sjálft Lara Vadlau og Lea Schuller hafa ákveðið að hætta saman stuttu eftir Ólympíuleikana í París.
Það er Vadlau sem greinir frá þessu en hún vann til verðlauna á mótinu og það sama má segja um fyrrum kærustu hennar, Schuller.
Vadlau er 30 ára gömul og vann gullverðlaun í sjóíþrótt í Frakklandi í sumar en kærasta hennar á þeim tíma, Schuller, fékk bronsverðlaun með þýska knattspyrnulandsliðinu.
Það eru aðeins þrír dagar síðan Vadlau fagnaði sigri í fyrsta sinn en hún tók ekki of langan tíma í að fagna því afreki.
,,Lea er ekki lengur kærasta mín. Auðvitað er ég stolt af henni og við erum enn góðir vinir og ég óska henni alls hins besta,“ sagði Vadlau.
Það var erfitt fyrir þessar tvær ágætu konur að láta sambandið virka enda sjaldan á sama stað á sama tíma.
Schuller er sjálf leikmaður Bayern Munchen í Þýskalandi og er 26 ára gömul en hún spilaði sinn fyrsta landsleik 2017 gegn einmitt Íslandi.