Dominic Solanke er orðinn leikmaður Tottenham en þetta staðfesti félagið fyrr í dag.
Solanke gerir samning til ársins 2030 en hann er dýrasti leikmaður í sögu félagsins og kostar 65 milljónir punda.
Solanke raðaði inn mörkum fyrir Bournemouth síðasta vetur og var á óskalista Tottenham í dágóðan tíma.
Enski framherjinn er nú mættur til London en hann er 26 ára gamall og mun líklega spila sinn fyrsta leik þann 19. ágúst.
Solanke er fyrrum leikmaður Chelsea og Liverpool en hann á að vera arftaki Harry Kane sem er farinn til Bayern Munchen.
