Robby Wakaka hefur samið við FH en hann er 20 ára miðjumaður og semur við Fimleikafélagið út tímabilið með möguleika á framlengingu. Hann kemur frá Gent í Belgíu.
„Robby er leikmaður sem við höfum mikið álit á og teljum að muni passa vel inn í þá uppbyggingu sem við erum í. Við ákváðum í sameiningu að gera samning út tímabilið með möguleika á framlengingu. Robby er miðjumaður sem líður vel á boltanum, er með mikla hlaupagetu og góðan leikskilning.
Við bjóðum hann hjartanlega velkominn í Kaplakrika og tökum vel á móti honum í fyrsta heimaleik hans á móti Val eftir rúma viku.“ Sagði Davíð Þór Viðarsson í samtali við FH media.