Forráðamenn Real Sociedad eru samkvæmt miðlum á Spáni og á Englandi að gera allt til þess að sannfæra Martin Zubimendi um að fara ekki til Liverpool.

51 milljón pund klásúla er í samningi Zubimendi sem ku hafa hafnað bæði Arsenal og FC Bayern á síðasta ári.

Zubimendi lék sinn fyrsta leik fyrir aðallið Sociedad fyrir fimm árum og hefur síðan verið lykilmaður.

Samkvæmt fréttum hefur Imanol Alguacil þjálfari Sociedad fundað ítrekað með leikmanninum síðustu daga til að reyna að sannfæra hann um að vera áfram.

Liverpool er að reyna allt til þess að fá Zubimendi og er hann sagður íhuga það mjög alvarlega að fara.

Sociedad beitir þó öllum brögðum og talar um lífið góða í San Sebastian og alla þá vini sem Zubimendi á þar, að lífið í Liverpool verði ekki alveg eins gott.

Það ætti að koma í ljós á næstu dögum hvort Zubimendi ýti á það að komast til Liverpool eða verði áfram í San Sebastian.