Það virðist fátt geta komið í veg fyrir það að Julian Alvarez framherji Manchester City fari frá félaginu á næstu dögum.
Atletico Madrid er á fullu að reyna að ganga frá samkomulagi við City.
Framherjinn frá Argentínu vill fara og verða fyrsti kostur sem framherji, í dag er hann varaskeifa fyrir Erling Haaland.
City keypti Alvarez fyrir tveimur árum á 14 milljónir punda en hann verður seldur fyrir um 70 milljónir punda.
Atletico mun reyna að klára kaupin um leið og Samu Omorodión fer til Chelsea en framherjinn fer til Chelsea fyrir um 30 milljónir punda.
