Manchester United gæti teflt fram óvæntum leikmanni í fremstu víglínu í vetur að sögn Erik ten Hag, stjóra liðsins.
Um er að ræða Englendinginn Jadon Sancho sem er mættur aftur til félagsins eftir lánsdvöl hjá Dortmund í vetur.
Samband Sancho og Ten Hag var í molum á síðustu leiktíð en þeir hafa náð sáttum og ætla að reyna á nýtt vinnusamband á komandi tímabili.
Möguleiki er á að Sancho spili frammi á næstu vikum eftir meiðsli sóknarmannsins Rasmus Hojlund.
,,Það er það sem við getum gert, ef við erum ekki með Rasmus leikfæran en við fengum inn Joshua Zirkzee sem er byrjaður að æfa,“ sagði Ten Hag.
,,Þú þarft þó líka að átta þig á því að hann hefur ekki æft hér lengi og þarf tíma til að aðlagast enskum fótbolta og hvernig við viljum spila.“
,,Jadon getur spilað sem framherji, við vitum að hann getur spilað á vængnum en einnig sem fölsk nía, hann er möguleiki í þeirri stöðu.“