Jose Mourinho, stjóri Fenerbahce í Tyrklandi, er sagður vera á eftir miðjumanninum kunnuglega Sofyan Amrabat.
Frá þessu greinir tyrknenski miðillinn Fanatik en Amrabat er orðaður við endurkomu á Old Trafford.
Amrabat var í láni hjá Manchester United, fyrrum félagi Mourinho, á síðustu leiktíð en stóðst ekki beint væntingar.
United skoðar það að kaupa hann endanlega frá Fiorentina í sumar en hefur ekki náð samkomulagi við ítalska félagið um kaupverð.
Mourinho tók við Fenerbahce í sumar og ku hafa mikinn áhuga á að semja við þennan 28 ára gamla leikmann.