Ein verstu kaup í sögu Arsenal, Nicolas Pepe, hefur skrifað undir samning við nýtt félag og leikur það á Spáni.
Um er að ræða Villarreal en Pepe samþykkti að ganga í raðir félagsins eftir eins árs dvöl í Tyrklandi.
Pepe var á mála hjá Trabzonspor í Tyrklandi en hann var fáanlegur á frjálsri sölu eftir stutt stopp hjá því félagi.
Pepe er 29 ára gamall en hann yfirgaf Arsenal endanlega fyrir um ári síðan og gerir nú tveggja ára samning á Spáni.
Pepe kostaði Arsenal 72 milljónir punda frá Lille á sínum tíma en stóðst í raun aldrei væntingar hjá félaginu.