Það getur enginn leikmaður grátbeðið um að fá að taka vítaspyrnu í vetur ef Cole Palmer er á vellinum að sögn stjóra liðsins, Enzo Maresca.
Noni Madueke, leikmaður Chelsea, var frekur á síðustu leiktíð sem og liðsfélagi hans, Nicolas Jackson, í leik gegn Everton í öruggum 6-0 sigri.
Báðir leikmennirnir heimtuðu að fá að taka vítaspyrnu í öruggum sigri en Cole Palmer er vítaskytta Chelsea og steig að lokum á punktinn.
Maresca segir að Palmer sé vítaskytta Chelsea og verður það í vetur en hann er þessa stundina í sumarfríi og hefur ekki tekið þátt í æfingaleikjum liðsins hingað til.
,,Ég ákveð hver tekur vítaspyrnuna og í fyrsta vítinu þá sagði ég Tosin Adarabioyo að segja Noni Madueke að Christopher Nkunku myndi taka spyrnuna,“ sagði Maresca eftir æfingaleik við Club America.
,,Ég skil að Noni vilji taka vítaspyrnur og þess vegna fékk hann að taka seinna vítið en það er ég sem ræð.“
,,Þegar hann snýr aftur á æfingar þá er Cole klárlega sá maður sem tekur spyrnurnar.“
