Jurgen Klopp fyrrum stjóri Liverpool útilokar það algjörlega að hann taki við enska landsliðinu sem nú vantar þjálfara.
Þessi 57 ára þjálfari ákvað að hætta með Liverpool í vor og taka sér hið minnsta árs frí frá fótbolta.
„Ég hef ekki heyrt um nein tilboð frá liðum eða þjóðum,“ sagði Klopp sem var spurður að því hvort umboðsmaður hans væri að fá símtöl.
Hann var spurður hvort hann gæti hugsað sér að taka við enska landsliðinu. „Þá væri ég að tapa virðingu með því að hoppa á þetta starf og gera undantekningu fyrir þá.“
Klopp veit ekki hvort hann vilji þjálfa aftur. „Ég mun gera eitthvað, ég er of gamall til að spila bara padel og hugsa um barnabörnin. Verð ég aftur þjálfari? Ég útiloka það í dag en við sjáum hvað gerist á næstu mánuðum.“
„Ég er ekki að fara að þjálfa núna.“