Gylfi Þór Sigurðsson ferðast ekki með liði Vals til að taka þátt í leiknum gegn St Mirren í Sambandsdeildinni á fimmtudag.
Þetta fullyrðir Kristján Óli Sigurðsson.
Ástæða þess að Gylfi fer ekki með kemur ekki fram en hann lék allan leikinn gegn Fram á sunnudag í Bestu deild karla.
Fyrri leik liðanna lauk með 0-0 jafntefli á Hlíðarenda og seinni leikurinn fer fram í Skotlandi.
Ljóst er að blóðtakan af fjarveru Gylfa er gríðarleg fyrir Val en meiðsli hafa herjað á fleiri leikmenn liðsins síðustu daga.
Gylfi Sig ferðast ekki með Valsmönnum til Skotlands. Alvöru blóðtaka fyrir seinni leikinn.
— Kristján Óli Sigurðsson (@kristjanoli) July 30, 2024
