Alfreð Finnbogason framherji íslenska landsliðsins gæti innan tíðar tekið við sem yfirmaður knattspyrnumála hjá Breiðabliki. Frá þessu segir Kristján Óli Sigurðsson í Þungavigtinni.

Þar segir að Alfreð hafi átt samtal um að taka við starfinu þegar skórnir fara í hilluna.

Alfreð er leikmaður KAS Eupen í Belgíu og á eitt ár eftir af samningi sínum en Alfreð verður 36 ára á næsta ári.

Alfreð lék með Breiðablik áður en hann hélt í atvinnumennsku árið 2011.

Kristján segir Blika vinna að því að fá Alfreð til starfa en hann hefur menntað sig í þeim fræðum sem snúa að starfinu.