Harvey Elliott, leikmaður Liverpool, væri til í að sjá óvæntan mann taka við enska landsliðinu á þessu ári.
Elliott nefnir Lee Carsley, þjálfara U21 landsliðs Englands, en þeir hafa unnið saman hjá liðinu og þekkjast ágætlega.
Gareth Southgate er hættur störfum hjá Englandi og er knattspyrnusambandið nú í leit að nýjum aðalþjálfara.
,,Lee er ótrúlegur þjálfari og stórkostlegur náungi,“ sagði Elliott í samtali við blaðamenn.
,,Hann er tilbúinn að taka skrefið. Það hafa mörg stór lið verið að fylgjast með honum og það er vegna hans eigin hæfileika.“
,,Mér líður eins og hann sé tilbúinn í verkefnið en þetta er samtal sem þarf að vera á milli hans og knattspyrnusambandsins.“