Jonny Evans varnarmaður Manchester United segir það sorglegt að horfa á 250 starfsmenn félagsins missa vinnuna.
Sir Jim Ratcliffe sem stýrir nú félaginu ákvað að reka 25 prósent af starfsfólki félagsins.
Telur Ratcliffe og hans fólk að alltof margir starfi hjá félaginu og var því ákveðið að fara í niðurskurð.
„Þeir telja sig vera með leiðina fyrir félagið en fyrir mig sem hefur lengi tengst félaginu er erfitt að sjá marga sem maður þekkir missa vinnuna. Þetta hefur verið erfitt,“ segir Evans.
Evans ólst upp hjá United og snéri aftur til félagsins fyrir ári síðan. „Nýir eigendur vilja fara þessa leið, en þetta hefur verið erfitt.“
„Við erum að tala um fólk sem ég hef þekkt í tuttugu ár sem er að missa vinnuna.“
„Þetta er allt að gerast núna og við sjáum hlutina betur þegar við komum úr æfingaferð. Manchester United er ein heild og hefur alltaf verið þannig.“
