Sóknarmaðurinn Patrik Johannesen er á leið til FH í Bestu deild karla samkvæmt heimildum Fótbolta.net.
Fótbolti.net greindi frá þessu seint í gærkvöldi en Patrik er á mála hjá Breiðabliki en er ekki fastamaður þar í dag.
Færeyski landsliðsmaðurinn var á bekknum í 4-2 sigri á KR nýlega og kom ekki við sögu gegn FC Drita í Sambandsdeildinni í miðri viku.
Miðillinn greinir frá því að FH sé að ganga frá kaupum á Patrik sem er 28 ára gamall og lék áður fyrir Keflavík.
Patrik hefur leikið á Íslandi undanfarin tvö ár en meiðsli komu í veg fyrir þátttöku á síðustu leiktíð.