Chelsea er búið að ná samkomulagi við Villarreal um markvörðinn Filip Jorgensen sem mun spila með liðinu í vetur.
Um er að ræða danskan landsliðsmann sem mun kosta Chelsea um 24 milljónir evra.
Samkvæmt Fabrizio Romano eru kaupin nú þegar kláruð en aðeins á eftir að kynna leikmanninn til leiks.
Jorgensen stóð sig vel með Villarreal á síðustu leiktíð og voru þónokkur félög að fylgjast með gangi mála.
Chelsea hefur betur í baráttunni um Danann sem er 22 ára gamall og mun berjast við Robert Sanchez um byrjunarliðssæti.