Það eru margir sem bíða spenntir eftir því að sjá stórmyndina Deadpool & Wolverine sem er nú komin í kvikmyndahús.
Um er að ræða ofurhetjumynd en Ryan Reynolds, eigandi Wrexham, fer með aðalhlutverkið og er sjálfur Deadpool.
Einn af leikmönnum Wrexham, Ollie Palmer, náði að sannfæra Reynolds um að gefa sér lítið hlutverk í myndinni sem er sturluð staðreynd sem fáir vita af.
Palmer er einn af sóknarmönnum Wrexham sem er í þriðju efstu deild og undirbýr sig nú fyrir komandi tímabil.
Palmer var boðið að kíkja á settið til að byrja með en náði að lokum til Reynolds sem gaf honum lítið hlutverk í myndinni.
,,Ég hef ekki talað um þetta áður, aðallega því Ryan bað mig um að gera þeð ekki en það er augljóst að ég fæ örlítið hlutverk í myndinni. Ef þú blikkar þá gætirðu misst af mér!“ sagði Palmer.
,,Þetta var svo skemmtilegur dagur og mjög vingjarnleg ákvörðun af hálfu Ryan. Hann bauð mér upprunarlega í tökur hjá Pinewood Studios til að fylgjast með.“
,,Eins og ég geri þá náði ég að væla mér inn hlutverk í myndinni. Ég tók konuna með mér á settið og hún naut þess jafnvel meira en ég.“