Næst markahæsti leikmaður ensku úrvalsdeildarinnar gæti þurft að sætta sig við nýtt hlutverk í vetur.
Frá þessu greina enskir miðlar en um er að ræða Cole Palmer, leikmann Chelsea, en hann skoraði 22 deildarmörk á síðustu leiktíð.
Palmer var oftast notaður hægra megin á vængnum undir Mauricio Pochettino en það er líklega að breytast.
Samkvæmt nýjustu fregnum verður Palmer notaður fyrir miðju undir Enzo Maresca sem tók við Chelsea í sumar.
Chelsea er með nokkra ágætis vængmenn í sínum röðum en nefna má Mykhailo Mudryk, Raheem Sterling og Noni Madueke.
Palmer var langbesti leikmaður Chelsea á síðasta tímabili og kemur þessi mögulega breyting mörgum á óvart.