Aaron Wan-Bissaka hefur hafnað því að ganga í raðir West Ham og verður líklega leikmaður Manchester United í vetur.
Frá þessu greinir Telegraph en West Ham hafði lagt fram tilboð í þennan ágæta hægri bakvörð.
Wan-Bissaka er 26 ára gamall og verður samningslaus næsta sumar en hann kom frá Crystal Palace árið 2019.
Englendingurinn á ekki fast sæti í byrjunarliði United en hann kostaði 50 milljónir punda á sínum tíma.
Mestar líkur eru á að Wan-Bissaka klári samninginn á Old Trafford og fari svo frítt frá félaginu næsta sumar.