Nicolas Pepe, fyrrum leikmaður Arsenal, hefur komið dýrum leikmönnum í ensku úrvalsdeildinni til varnar.
Pepe talar um þá Mykhailo Mudryk hjá Chelsea og Antony hjá Manchester United en þeir hafa ekki staðist væntingar eftir að hafa kostað mikla peninga.
Pepe kostaði sjálfur 72 milljónir á sínum tíma en var að lokum bolað burt frá Arsenal eftir nokkuð svekkjandi frammistöðu.
,,Það er ekki auðvelt að aðlagast, stuðningsmennirnir voru ekki ánægðir með mitt framlag. Þegar ég kom fyrst þá voru þeir lítið að dæma mína frammistöðu, þeir voru að dæma verðmiðann,“ sagði Pepe.
,,Ég gerði nokkra frábæra hluti hjá Arsenal að mínu mati og sé ekki eftir tíma mínum þar en ég var dýrastur í sögunni svo þeir bjuggust við að ég myndi skora í hverjum leik.“
,,Það eru leikmenn í deildinni eins og Mykhailo Mudryk og Antony sem eru ekki alltaf upp á sitt besta en eru ekki slæmir leikmenn.“