Undrabarnið Endrick mun ekki fá níuna hjá Real Madrid í veutr en frá þessu greina spænskir fjölmiðlar.
Endrick mun spila sitt fyrsta tímabil með Real á þessu ári en um er að ræða einn efnilegasta leikmann heims.
Sóknarmaðurinn samdi við Real fyrir um tveimur árum en er nú orðinn 18 ára gamall og fær að spila sína fyrstu leiki.
Áður var greint frá því að Endrick myndi fá níuna á Santiago Bernabeu en það er ekki rétt að sögn AS.
AS segir að Endrick muni klæðast treyju númer 16 á komandi tímabili eftir komu Kylian Mbappe frá Paris Saint-Germain.
Endrick hefur notað níuna hjá brasilíska landsliðinu og var einnig lofað því númeri hjá Real en eftir komu Mbappe hefur Real ákveðið að hætta við þá ákvörðun.