Pep Guardiola, stjóri Manchester City, viðurkennir að hann sé ekki viss um að Ederson spili með liðinu í vetur.
Ederson hefur lengi verið einn besti markvörður ensku úrvalsdeildarinnar og er fastamaður í liði Pep.
Lið í Sádi Arabíu eru þó að sýna Ederson áhuga og gæti hann þrefaldað laun sín ef hann tekur það skref.
Guardiola er ekki viss um hvort City geti haldið lykilmanninum en félagaskiptaglugginn lokar í næsta mánuði.
,,Ég væri til í að halda honum en þetta er líka undir öðrum liðum komið,“ sagði Guardiola.
,,Ég þekki ekki stöðuna, við höfum ekki verið í beinu sambandi við neinn undanfarna daga. Þetta snýst um að æfa og sjá hvernig félagaskiptaglugginn endar.“